रचनाकार: रमेश हितैषी
इज बाज्यूक मकान छुटिगो
होव भरिकु गुठ्यार.
12 नाईक कुथव छुटिगो
10 मणक भकार.
खुडबुडौँ ढे छुटिगो
हाव सिसणकु गुजार
तलिसारि धन्यड़ छुटिगो,
मचड़क कि पग्यार।
चौमासी, गोट छुटिगो,
गोरू भेस दुध्यार.
पन्यरक पाणि छुटिगो
गध्यरूक घराट
खेति बाड़ी कारोबार छुटिगो
धमुवा लोहार.
गौं बाखई प्यार छुटिगो
चनुवा सौकार
मनखी मनख्यात छुटिगे,
म्यर गौं क संस्कार
हंसी मजाक मसगरी छुटिगे,
अपणुक प्यार.
जवानि को जोश छुटिगो
पहाड़ बसणकु विचार.
कुछ वेति कुछ येति छुटिगो
बचिगो खालि दतकार.
सर्वाधिकार@सुरक्षित, May 6, 2020
श्री रमेश हितैषी
0 टिप्पणियाँ