पहाड़ की याद
रचनाकार: चम्पा पान्डेकसि मजबूरी हयी हमुलै छोड़ पहाड़ा,
हरिया भरिया स्यारा रंगीलौ म्यर पहाड़ा,,
द्वि रव्टा खातीरा ओ भुली हमुलै छौड़ौ पहाड़ा। ओ बैणा हमुलै.....
हमरौ पहाड़ा मजी रोजगार कम जै हुछी,
यै लिजी मजबुरी में हमूलै घरबार छौड़ी,,
आज यूं बाज् कुडबाडी कैं देखी म्यर झुरुछौ पराणा। ओ बैणा म्यर झुरुछौ पराणा....
यौ पहाडै़ देवभूमि में बाणी - बाणी देवों का वासा,
गाड़ गध्यारा लै बही रैंछौ मेरी गंगा माता,,
कतु भौलौ लागुछौ ओ भुली गंगा में डुबकी लगुणा। ओ बैणा गंगा में डुबकी लगुणा.....
देवों की देवभूमि में भौत छिना तीरथ धामा,
एक धार् केदारनाथा दुसौर धार् बद्री धामा,,
के भाला छाजि रनी ओ भुली हिमाला का ऊँचा डाना। ओ बैणा हिमाला का ऊँचा डाना.....
कुमाऊँ मण्डला मजी डान कना में देवी थाना,
के भौलौ रंग जमी रौ मानिला कौ हरिया डाना,,
दूर परदेश मजी याद औछौ घुघुती कौ घुर-घुराणा। ओ बैणा घुघुती कौ घुर घुराणा.....
रंगीलौ पहाड़ा मजी मन्खी लै रंगीला हनी,
ब्या बरेती खेल कौतिकौं में झ्वाड़ा चॉचरी कनी ,,
यौ माटी कौ पुतवौ परदेस छौ मन आपणा पहाड़ा।। ओ बैणा मन आपणा पहाडा़......
द्वि रव्टा खातीरा ओ.........
धन्यवाद
0 टिप्पणियाँ