सुदामा पुछूं
रचनाकार: जगदीश चन्द्र जोशी
किश्नियां!
त्या्र भाग में
गोपीनौ दगड़
द्वारिका राज
म्या्र भाग में
टूटी तस्या्ल
फुटी तव?
चोरि त्वील लै करी
चोरि मैंल लै करी-
त्वील नौणि मलाइकि करी
मैंल चाण-गूड़कि करी।
हुणी खाणी च्या्लना कूनी
गणुवैं न्यारै हुनी-
फिर त्या्र गणु
म्या्र है न्यार
कसिक है पड़ी रे-
जो त्या्र भाग में
गोपीनौ दगड़,
द्वारिका क राज
और म्या्र भाग में
टुटी तस्या्ल
फुटी तव?
--------------------------------
Mar 28, 2016
0 टिप्पणियाँ