अरहरक डुबुक - कुमाऊँनी रैसिपी

अरहरक डुबुक - कुमाऊँनी रैसिपी

प्रस्तुति: सुमीता प्रवीण

अरहरक डुबुक (कुमाऊंनी)

समान (सामग्री):-
एक ब्याल अरहरक दाव
एक चमच जिर
पांच क्वास लासणक
एक चमच धणि
एक चमच लाल खुश्याण
आधु चमच हल्द
एक ठुल्ल ढाड़ सरसों तेल
लूँण सवादक हिसाबेल

तरिक (बनाने की विधि):-
सब्नैहे पैलि अरहरक एक ब्याल दाव कें 1 घण्ट भिजे लियो।
अब दाव दगड़ लासण, लाल खुश्याण, हल्द, जिर, धणि सिल में मिश्यूण के पिस लियो।
लुआ भदई में सरसों तेल खित भेर गरम करो।
द्वि क्वास लासन काट भेर धुंगार लगावो।
पिसी हुई दाव में लूँण, पाणि डाल भेर पतव घोल बाणावो।
घोल कें भदै में डाल भेर जल्दी- जल्दी ढाड़ूल हलाते जावो। गुठयाल नि पड़न चैनी।
अब 10 मिनिट जाणे मिश्यूण आग में ढाक धर भेर भुटकी न जावो तब तलक पकावो।
घरक भात दगडी भलोभल लाग्नि।

नोट-
अरहरक डुबुक कभे ले बणाई जनि।
भौते सवाद हुनि।
चौमास व जाड़क दिनांन जब साग पात कम हुन्छ तब जादा बणाई जान्छ।
मश्याल जतुक कम हुनी उतुक भल हुनी प्योर पहाड़ी व्यंजन।

सुमीता प्रवीण, मुंबई, June 24, 2022
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार