बड़ी क साग
कुमाऊँनी खान-पान की रैसिपी
प्रस्तुति: सुमीता प्रवीण
बड़ी क साग (कुमाउनी) - चार मैशने लीजि
समान(सामग्री):-
200 ग्राम बड़ी,
एक डाढ़ घरक घ्यू,
द्वि दाण प्याज,
द्वि चमच ग्यूंक पिश्यूँ,
जिर,
हल्द,
धणि, लाल खुश्याण,
लूंण सवाद अनुसार।
तरिक(बनाने की विधि):-
लुआ भदै में घ्यू गरम करो।
वीमें बड़ीन कें भुन भेर दोहर भान में निकाव ल्यो।
भुटुण में प्याज कौल ल्यो।
जब प्याज लाल है जनि तब वी में द्वि चमच चमच ग्यूंक पिश्यूँ डाल भेर हल्क लाल कर ल्यो।
भड़ाया झन नतर सवाद भलो भल भुटुणक नि आल।
असल सवाद यो भलीचार भुटुण में ही आल।
अब बड़ी खित भेर हलावो। जिर, हल्द,धणि, लाल खुश्याण पिस भेर खित दियो।
लूंण सवाद अनुसार डाल भेर 20 मिनट जाणे मिश्यूणआग में ढाक धर भेर पकावो।
यो रीत पुराण छू आमा की, जैमे असल बड़ी क सवाद उन्छ(चावोंक बिस्वार ले खित सक छा)।
आछान बड़ी ले अलग-अलग किस्मेल बणनी।
लासन, टमाटर, खूब मश्याल खित भेर ले बणनी।
नोट-
बड़ी मासक दाव हौर तुमुड़(पेठा) कें मिस भेर घाम में सुखूनि किलेकि ह्यून में जब साग पात की कमी हैं जछी तभे यो भौते काम ऊनि।
खूब सवाद हुनी कभे ले खा सक छा।
मश्याल जतुक कम हुनी उतुक भल हुनी प्योर पहाड़ी व्यंजन।
सुमीता प्रवीण, मुंबई, July 21, 2021
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार
0 टिप्पणियाँ