रचनाकार: रेणुका जोशी
सुख दुख
मैस भाय हम
पाथर ज के भै,
स्यो ज , घाम ज
सुख दुख उनेरै भै।
सुख के बैठी रूंछौ ?
दुख लै न्हई जाल।
कोई खानी आपुण भागल यां
कोई ध्वां फ्वां करबे खाल।
मुसना चारि द्वाब में लुकि बेर
हार नि मानण चैं।
मैस छन , मुस न्हा
मैसना चार रूंण चैं।
दुख देखि चिंगचिंगांन हबे के हौल?
दुखन कं त फतोड़नै पडौ़ल।
करि ज सकना हम त
सुख कं गयौं लै बांधछी।
भल भल खवै बे तकैं
गोरू चार दुहछीं।
सुख त चाड़ ज भौय
उन उनै फुर्र है जां
नि धुर्कन हो सुखा पिछाडि़
आपुण जस त दुखै भौय हाडि़।
रेनुका जोशी 26th जून 2019
){kind=link}
0 टिप्पणियाँ