घाम दिद्दी बादल भिन्ना
रचनाकार: रेणुका जोशी
घाम दिद्दी इतखै आ
बादल भिन्ना उतखै जा।
नानतिन लै भाइ बादल जस्सै
निझरक है बे कैं लै जा।
धुर्का धुर्की गौं गद्ध्यार पन
निम्मू टोड़ तू , काकड़ लम्या।
कौपि किताब त बस्त में धर दे
घरपन को पढों , किलै नड़क्या?
कौपि कं छोड़ प्वाथा , छानपन जा
दातुल कं धार लगा , घा पू ल्या।
घाम दिद्दी सतझड़ लाग रौ
बादल भिन्ना उतखै जा।
द्वार पन बंधार, भैर भै तहड़
कटकताइ पड़नै, भैर कसिक जां ?
खताड़ लुगुड़ में सिमणैन ऐगे
घाम दिद्दी इतखै आ।
बादल भिन्ना उतखै जा।
नानतिन लै भाइ बादल जस्सै
निझरक है बे कैं लै जा।
धुर्का धुर्की गौं गद्ध्यार पन
निम्मू टोड़ तू , काकड़ लम्या।
कौपि किताब त बस्त में धर दे
घरपन को पढों , किलै नड़क्या?
कौपि कं छोड़ प्वाथा , छानपन जा
दातुल कं धार लगा , घा पू ल्या।
घाम दिद्दी सतझड़ लाग रौ
बादल भिन्ना उतखै जा।
द्वार पन बंधार, भैर भै तहड़
कटकताइ पड़नै, भैर कसिक जां ?
खताड़ लुगुड़ में सिमणैन ऐगे
घाम दिद्दी इतखै आ।
0 टिप्पणियाँ