खेलकूदनक महत्त्व

खेलकूदनक महत्त्व 
रचनाकार: सत्यम जोशी

खेलकूद लै जरुरि हुनात 
त्यार सैलेबस में हुन 
जस सबै विषयोंक परीक्षा हूंछि 
उसि परीक्षा तै में लै हुन 

ईजा तू सच्चि कुंछि 
तसि हमारि नीति कहैं 
सब पछिल लग्गू छन 
क्वे बात दिखूनि नहैं 

क्वे लागि भीड़ि भै अघिल बढ़ल त 
उविक बाट रोकाल 
जब मैडल नि आ पायौ त 
सब उवि कणि टोकाल 

कदुक भल हुन अगर 
बचपन भटै सिखाई जान  
खेलकूदनक महत्त्व 
घर घर बताई जान 

जब ले पढ़ाई दगड़ 
खेलकूद लै आल 
तभै म्यार भारत देश 
में गोल्ड मैडल आल  

सत्यम जोशी द्वारा फेसबुक ग्रुप कुमाऊँनी शब्द सम्पदा पर पोस्ट

सत्यम जोशी जी के फेसबुक प्रोफाइल पर जायें