💐मैं दिल की बात कुणयुं💐

🙏🙏🙏🙏

  💐मैं दिल की बात कुणयुं💐

🌹🌹🌹🌹🌹🌹

रचनाकार: संतोष जोशी 'सुधाकर'  

🙏🙏🙏🙏🙏

हमारी भाषा,हमारी संस्कृति,हमारी पहचान।

आज पैल कुमाऊँनी भाषा दिवस छ और
कुमाऊँनी भाषा दिवस की आप सब्यों तैं भौत भौत बधाई,शुभकामनाएं और दिलों क भावना कै दर्शाते हुऐ यों मेरी कुमाऊँनी कविता....

मैं दिल की बात कुणयुं
तू सुणं सुवा तू सुणं
मैं लैरयु प्यार की डोर
तू आब फटाफटि बुणं।

बुणं बुणं बेर यो
डोर कै ने औलझ्याये
होसिया म्यर मनै की
पीड़ के तू समझी जाये।।

मैं लेरयु मूल्ये बेर

जन्म जन्मों की सौगंध
तू सजै दिए आपणं हिये मा
यो दिले मा त्यर लुकुणं छिपुणं।
मैं दिल की बात कुणयुं
तू सुणं सुवा तू सुणं।।

पुराण बुणी लुगुड़ा कै

भागी तू ने उधाड़ण्णं दिये
मैं ल्युल नयी प्रीत का क्वीड़
तू उन क्वीड़ो के ने भुलाणं दिये।

मैल त्वैके सुवा
आपणी ज्यूनी सौंपी
ये है बैर बकाई
मैल के कुणं के कुणं
मैं दिल की बात कुणयुं
तू सुणं सुवा तू सुणं।।

ना मैं पापी छों

मैं मोह का मायी छों
यो कलयुगी चोथाणं मां
मैं लोभ का भागी छों
अब यो मन की सणं सणं
आंसू मै ल के धुणं के धुणं।
मैं दिल की बात कुणयुं
तू सुणं सुवा तू सुणं।।

एक सफल भविष्य की कामना।।

संतोष जोशी(सुधाकर)

(M) 9540689825

गरुड बागेश्वर

संतोष जोशी जी द्वारा फ़ेसबुक ग्रुप कुमाऊँनी शब्द सम्पदा से साभार

संतोष जोशी जी के फ़ेसबुक प्रोफ़ाईल पर जा सकते हैं