तेरि चमचमानि मुखड़ि
(रचनाकार: दिनेश कांडपाल)
चैतकि नवरात्रि व भिटौलि पर्व की शुभकामनाओं सहित..
तू डाड़ न हाल् च्येलि
भै ल्याल् चैतै भिटोलि
मेरि कलजै की टुकुड़ि
तेरि फाम् मनम् रोलि
सगरांत जब लै आलि
य मुखड़ि याद आलि
तू लै क् मेरि राजो
मैतियां हैं छटपटालि
जब जब घुघूति बांसैलि
जब तू निसासि जालि
देखि बे जंवै ज्यू मुखड़
तेरि परांणि थामि आलि
खूब फइये फलिये दुब जस
सरास में मेरि लालि
तेरि चमचमानि मुखड़ि
टोकहं म् कैं आलि
@दिनेश कांडपाल
0 टिप्पणियाँ