हरिया जंगल

हरिया जंगल
(रचनाकार: दिनेश भट्ट)

बांज सल्लो बुरांस काफल
कतुक भलो हरिया जंगल
हिसालु किल्मोड़ मेहल बमौर
खाना् कि हुंछि भौतैबहार
कैले लगाया, कैले पाल्या
औंला च्यूरा, और हरड़
जंगल में बासनि न्यौली,
कफुवा ,कांकड़, घुरड़
जेठ बैसाख जन हालौ आग
गौं पन आला नतरि गुना बानर बाघ
जंगल हैबेर पानि का नौला धारा
खेत में फसल नाज साग पात
करि बेर जतन् बचा जंगल
जंगल हैबेर छ भौतै मंगल।

दिनेश भट्ट, सोर पिथौरागढ़