गाॅधी जैन्ती पर
(रचनाकार: दिनेश भट्ट)
जै जै हो तुमरि गाॅधी ज्यू
तुम थ्या सच्चा लीडर
छाड़्यो अपनो घर-बार
छाड़ि वकालत कोट-कचहरि
खद्दर की धोति और लंगोट धर
पूरा देश भरमण करो
खूब लेखो जस देखो
निकालि तुमुल अखबार
छुआ-छूत अशिक्षा,
अज्ञान-अत्याचार पर
खूब करो तुमुल कलम ल वार
कतुकै हो कोशिस तुमुन भूलुनाकि
जुगो तलक रौला अमर
तुमोर संदेश और विचार
खूब करो तुमुल कलम ल वार
कतुकै हो कोशिस तुमुन भूलुनाकि
जुगो तलक रौला अमर
तुमोर संदेश और विचार
शत शत नमन,बार-बार छ नमस्कार
कोशिस हम ले करूॅल
हिटि सकूॅ तुमारा बाट्
ज्यून रै सकूॅन तुमारा विचार
दिनेश भट्ट, सोर पिथौरागढ़
दिनेश भट्ट जी द्वारा प्यौलि कुमाउनी मासिक ई-पत्रिका मार्च-2020
0 टिप्पणियाँ