"दाज्यू ह्यौंन मा"

🙏🙏🙏🙏

💐"दाज्यू ह्यौंन मा"💐

रचनाकार: संतोष जोशी 'सुधाकर'  

🙏🙏🙏🙏🙏

(कुमाऊँनी कविता)

नेता हमरा लुक्यां छन ठुल ठुला उड्यारों पन
विकास फ्यार लगुणों खणं खणु धारों पन..

गैरसैंण मुद्दा धुस्स ह्वैगा ठंड जाड़ो मा
नेता हमरा पाचिया छन रजै खताड़ो मा..

ह्यून लागी दिन लै आब यौ. छ्वाट् ह्वैगी
हमरा नेता पैलिये हैबे आब यौ म्वाट् ह्वैगी..

पूस की चस्स चस्स नाणं धौंण पट् छु
हमार नेता ज्यू कै ऐकारि दून की रट् छू..

कौस है रो छौ .यौ मामुल अरे "संतोषा"
ह्यौंन मा ह्यूं पड़ि कि हमौर पहाड़ गछ् छू..

संतोष जोशी

(M) 9540689825

गरुड बागेश्वर

संतोष जोशी जी द्वारा फ़ेसबुक ग्रुप कुमाऊँनी शब्द सम्पदा से साभार

संतोष जोशी जी के फ़ेसबुक प्रोफ़ाईल पर जा सकते हैं