ईजा किले भेई हम न्यार

🙏🙏🙏🙏

💐ईजा किले भेई हम न्यार💐

🌹🌹🌹🌹🌹🌹

रचनाकार:संतोष जोशी 'सुधाकर'  

🙏🙏🙏🙏🙏

बेई तक छिया हम द्वि भै चार।
आब ईजा किले भई हम न्यार।।-2

नानू नान छिया हम जांछि स्कूला
काखी मा लफोड़ि रुंची फाटि छि झुगुला।
लोतीपोति रुंछि पाणी मा कच्यार
ईजा किले भई हम न्यार।।

एके भाने मा खाँची
एके दगड़ा स्यैछीं
बख्ते दुश्मन हैगो
को यो आँखि लगुंछीं।
ईजा भतेरा क छी दुश्मणं हजार
ईजा बतो किले भई हम न्यार।।

भै~भै हम जब छी संग
काम ले खूब करेंछीं
ठुल ठुलु जब हेंयी इजु
नाम को हम रेंगेछीं।
ईजा ब्या हे बेरि कोस हो बपाल
ईजा बतो किले भेई हम न्यार।।

मैस ले हमों कुछीं
च्याल यो छाव छना
कास यो माई भाल
देखिना क नै काव छना।
मुखड़ी छि गोरी और फनार
ईजा बतो किले भई हम न्यार।।

जब हम निकली घर बै
यो पापी पेटोक खातिरा
घर कुड़ी छोड़ि हालि
पड़ी कलेजी मा चीरा।
ईजा डबलो मा उलझी गयी आज
ईजा बतो किले भई हम न्यार।।

ब्या है बेर कोस हैगो यो बपाल।
ईजा बतो किले भेई हम न्यार।।-2

एक सफल भविष्य की कामना।।

संतोष जोशी(सुधाकर)

(M) 9540689825

गरुड बागेश्वर

संतोष जोशी जी द्वारा फ़ेसबुक ग्रुप कुमाऊँनी शब्द सम्पदा से साभार

संतोष जोशी जी के फ़ेसबुक प्रोफ़ाईल पर जा सकते हैं