लाँकडाउन में रधुली इज -बाबु फसक

लाँकडाउन में रधुली इज-बाबु फसक-
जब रधुली बाबू मुख्यमंत्री बणी 😝😝
==========================

लेखक: कैलाश सिंह 'चिलवाल'

रधुलि बौज्यूं:- अरे सुणनछै! आज बीस साल हैगी यार ब्या हैई---आहा!! कास् दिन छी पैं ऊ लै!!!!❤❤❤
रधुली इजः- किलै?? लाँकडाउन में के लागि रैयी आज तौ रफत ??☻☻

रधुली बौज्यूं:- मी कूणंयू बीस साल पैली म्यौर् बौज्यूंल मी हूं चिठि भेजि कि "च्यला बैसाख में छुटि लिबेर ऐ जैयै----त्यौर् खुट लै औल्ज्यै दिनु पैंआब् कैबेर --- ऊ दिन यौस् लागौ कुंछा जौस्" चुनाव लड़नौक टिकट मिलि गो👌👌

रधुली इज:- दा हाई!! कावौ च्यौल् दिछिया पै तमूकै भोट---निखालिस बल्द मैस--बुलाड़ चुलाड़ ,नेतागिरी लै ऊछियां तमूकै ऊ जमान में ??🤗🤗🤗
रधुलि बौज्यूं:- अच्छ्या!तू मीकै तदु ह्याव् नी कर यार!! हीरे की पछ्याण तो सुनार ही जानने वाला ठैरा ---सुण त सही --मी के कूणंयूं--" जब मी तुकै देखड़ तै त्यौर् गौं आयूं---तू उ धार् धै पाड़ि भरमछी❤❤❤

रधुली इज:- ❤❤❤ ओ ईजा!! होई होई मील उ दिन लाल सलवार और पिंगौव् सूट पैरा था फिर --- ❤❤❤❤
रधुली बौज्यूं:- होय कौ पैं !! मी के कूंणयूं ---" मी कै ऊ दिन यौस् लागौ जौस् "चुनाव प्रचार" में जाणयूं👏👏👏👏👏👏👏

रधुली इज:- अच्छ्या !!यौ बताओ पै--" जब तुमार बौज्यूं और काक् मीकै पिठ्या लगूण तै आई (सगाई) --तमूकै कौस् लागौ???
रधुली बौज्यूं:-- ओ ईजा मेरि!! सांचि बतू--मीकै यौस् लागौ कि मी "एम एल ए" है गोयूं।।👌👌

रधुली इज:- ओ बब्बा हो !! अच्छया यौ बताओ पैं ब्यां करियै दी चार दिन बाद कैसि " फीलीगं" छी तुमैरि??❤❤❤❤
रधुली बौज्यूं:-- आब् के बतू मी😀😀
भौतै खुशि भौय--- यौस लागौ मी " मुख्यमंत्री" है गोयूं👍👍👍👍

रधुली इज:- आहा!!! ब्यां करियौक बीस साल बाद कौस् चिता रहे हो फिर आप रधुलि के पापा???

रधुलि बौज्यूं:- छोड़ हाय!!! मरी स्यापाक आंखो कै किहूं खचोरनछै आब्😗😗😗

" यौस् लागौ जौस् क्वे 'घोटाला' करिबेर फंसि गयूं😀😀😀😀 सौरास रूपी सी बी आई कै यैकि जांच सौपी गे----सी बी आई मुखिया त्यार् बौज्यूं छन😀😀😀

--------''''-----------''''''-------'''--

रधुलि बौज्यूंक भांटाक नरैण तेल निकालि है--ले चूटा चूट----😀😀☻☻

कैलाश सिंह'चिलवाल'। 09/04/2020