💐बणायों यौं खन्यारा💐

🙏🙏🙏🙏

💐बणायों यौं खन्यारा💐

रचनाकार: संतोष जोशी 'सुधाकर'  

🙏🙏🙏🙏🙏

(कुमाऊँनी कविता)

कैल कोरि-कपोरी कै खायो
बणायों यौं खन्यारा...

कैल कैकी ख्वोरि बुकायी
बणैं हालौ पगाला...
कैल क्वै कुड़ि-बाड़ी बजाई
बणैं हालौ बुझ्याणीं...
कैल कैकी पड़ै डाढा
क्वै नै हिये कै बौथ्याई...
कसिकै खालै परदेश मा च्यला

मेरी पराणी नै रूणंई...
त्यर बगैर बेरंगी छ यां
कसिकै लै तू घौर ऐ जाई...
क्वै न छौं आपणां यत्ति
दुनि यौ मोह पैसों मा जी रईं...
धौंस हंकारी घात दगाणीं
ऐक दुसरौक खून पी रईं...
भौल भौलो कदुगै खाला
कदुग लूटला यौ गाढ़ गध्यारा...
कोरि-कोरि कै कपोरि खायौ
बणायौं देवभूमि कै धुस्सयारा...

कैल कोरि कपोरी कै खायो
बणायों यौं खन्यारा...
बणायों यौं खन्यारा...2

संतोष जोशी

(M) 9540689825

गरुड बागेश्वर

संतोष जोशी जी द्वारा फ़ेसबुक ग्रुप कुमाऊँनी शब्द सम्पदा से साभार

संतोष जोशी जी के फ़ेसबुक प्रोफ़ाईल पर जा सकते हैं