🍕🍕पहाड़ी पिज्जा🍕🍕

🍕🍕पहाड़ी पिज्जा🍕🍕

रचनाकार: सुरेंद्र रावत

इनर बनाओ गुनुक चाहे,

या बनाओ पत्युड़।

द्वि द्वि चार चार सब लिजाओ,

पै है जानी बुड़।

भौतै है री भुली,

म्यर तलिक बड़म।

जतु खंचै लिजा भुली,

तु नि कर सरम।

मल बाखय की, हरुली दी,

अल्लै लिगे तोड़ि।

भौतै भौल बननी इनर,

पहाड़ि पकौड़ि। (गुनुक)

पार बाखय की धनुलि सास,

तोड़ि बै बेयी लिगे।

पहाड़ि पिज्जा (पत्युड़),

बनै बै मकैं दिगे।

ॐसूरदा पहाड़ी

सुरेंद्र रावत, "सुरदा पहाड़ी"

सुरेंद्र रावत जी द्वारा फेसबुक ग्रुप कुमाऊँनी शब्द सम्पदा से साभार

सुरेंद्र रावत जी के फेसबुक प्रोफाइल को विजिट करें