🍕🍕के नि आल हाथ🍕🍕
रचनाकार: सुरेंद्र रावत
बन्धरी क पाणी, जम करी ल्यो।
मणी मणी कनैं, बित है जां द्यो।
बन्धरी क पाणी जस, छन हमर करम।
जाणि कभै मिलों, फिर दुसर जनम।
कुड़ी क पथार अब, खसकण लै गी।
दन्यारों पथार अब, द्विये चार रै गी।
दिन मैंण साल बित, कम है जै उमर।
कुड़ि क पथार जस, रै जानी दन्यार।
तबों तो मैं कण लै रूं, सुणो मेरी बाता।
उमर गुजरि जालि, के नि आल हाथा।
बन्धरी क पाणी, जम करी ल्यो।
मणी मणी कनैं, बित है जां द्यो।
ॐसूरदा पहाड़ी
सुरेंद्र रावत, "सुरदा पहाड़ी"
0 टिप्पणियाँ