कतु भौलौ लागुछौ दीदी - कुमाऊँनी गीत

कतु भौलौ लागुछौ दीदी

रचनाकार: चम्पा पान्डे

कतु भौलौ लागुछौ दीदी ओ ओ, म्यर पहाड़ देवभूमि हो-2

हमरौ पहाड़ मजी देवताओ का वासा_2,

गाड गध्यारा बसी रछौ मेरी गंगा माता _2

देवता लै नहाणि जानि हो, यौ गंगा का हरिद्वार दीदी हो,

कतु भौल लागुछौ दीदी ओ ............,

हमरौ पहाड़ मजी देव छी निराला _2

भूमि क भूम्याल छिना घोड़े मै सवारा _2

कतु भाला लागनि दीदी ओ ,टाक् बादिया गोलू देवा हो,

कतु भौल लागुछौ दीदी ओ ............,

हमरौ पहाड़ मजी डानकना बहुता _2

वार डाना नैना बसी पार डाना नन्दा _2

कतु मानिछौ दीदी ओ ओ ओ, दुनागिरी थाना दीदी हो,

कतु भौल लागुछौ दीदी ओ ............,

हमरौ पहाङ मजी तीरथा बहुता _2

एक धार बद्रीनाथ एक मै केदारा _२

कतु भौलौ मानिछौ दीदी ओ ओ, रंगीलो कुमाऊ दीदी हो,

कतु भौल लागुछौ दीदी ओ ............,

धन्यवाद

*चम्पा *पान्डे*, 26-04-2018

चम्पा पान्डे जी की यह कविता फेसबुक ग्रुप कुमाऊँनी शब्द सम्पदा से